ពិភពចំណេះដឹង: ប្រជុំតារាខ្មែរ

ព្រឹត្តិការណ៍កីឡាជាតិលើកទី៣ នៅពហុកីឡដ្ឋានជាតិ មរតកតេជោ ដែលទើបនឹងបញ្ចប់ទៅដោយរលូន និងអស្ចារ្យ ក្នុងនោះក៏មានតារាចម្រៀង ៣រូប ដែលទទួលបានការចាប់អារម្មណ៍រួមជាមួយការគាំទ្រខ្លាំងពីសំណាក់ហ្វេនៗដែលទៅទស្សនាដោយផ្ទាល់។ ខាងក្រោមនេះ ជាហេតុផលមួយចំនួនដែលជំរុញឲ្យ អ្នកនាង ឱក សុគន្ធកញ្ញា លោក ជីដេវីត និងលោកវណ្ណដា បានច្រៀងក្នុងកម្មវិធីនេះ។

អ្នកនាង ឱក សុគន្ធកញ្ញា ត្រូវបានគេស្គាល់ថាជាតារាចាស់វស្សាដែលពេញទៅដោយសមត្ថភាព និងទេពកោសល្យ លើសពីនេះទៅទៀតអ្នកនាង ឱក សុគន្ធកញ្ញា បានបញ្ចប់ការសិក្សាពីសកលវិទ្យាល័យភូមិន្ទវិចិត្រសិល្បៈ។ បើនិយាយពីវិស័យសិល្បៈចម្រៀងវិញ អ្នកនាង ឱក សុគន្ធកញ្ញា បានចាប់ផ្ដើមអាជីពជាអ្នកចម្រៀងតាំងពីឆ្នាំ ១៩៩៩ មកម្ល៉េះ ដោយធ្លាប់ឆ្លងកាត់ផលិតកម្មចំនួន ៤ គឺ រស្មីស្ទឹងសង្កែ U2 Rock Sunday និងចុងក្រោយ ហង្សមាស។ ក្រោយចូលផលិតកម្មហង្សមាស អ្នកនាង ឱក សុគន្ធកញ្ញា ត្រូវបានគេកត់សម្គាល់ថាសន្ទុះនៃការគាំទ្រ និងប្រជាប្រិយភាពកាន់តែខ្លាំងឡើងរហូត ត្រូវបានជ្រើសរើសជាគ្រូបង្វឹកក្នុងកម្មវិធីលំដាប់ពិភពលោកជាច្រើន ព្រមទាំងមានហ្វេនៗដាក់រហ័សនាមថា ជារាជនីពាណិជ្ជកម្ម។

លោក ងួន ចាន់ដេវីត G-Devith ត្រូវបានគេស្គាល់ថាជាតារាចម្រៀងរ៉េបមានល្បឿនលឿនជាងគេ ដែលភាគច្រើនគេស្គាល់លោកតាមរយៈបទ “Live Fast Die Young” នៅអំឡុងឆ្នាំ ២០១៤។ ដោយសារតែសមត្ថភាព និងការខិតខំប្រឹងប្រែង បូករួមជាមួយទេពកោសល្យនៃការផលិតសាច់ភ្លេង និពន្ធ និងការច្រៀង នៅក្នុងឆ្នាំ២០១៤-២០១៥ លោកក៏បានហក់ចូលផលិតកម្មហង្សមាស ដែលធ្វើឲ្យលោកកាន់តែផ្ទុះប្រជាប្រិយភាពកាន់តែខ្លាំងឡើង។ ទន្ទឹមនិងភាពល្បីល្បាយនោះ នៅឆ្នាំ ២០១៩ លោកក៏បានចាកចេញពីផលិតកម្មហង្សមាសមកធ្វើជាតារាចម្រៀងឯករាជ្យ ហើយក៏បានបង្កើតផលិតកម្មមួយដោយខ្លួនឯង ដែលមានឈ្មោះថា Dit-Way Dation។ លើសពីនោះលោក ងួន ចាន់ដេវីត ក៏ជាអ្នកនៅពីក្រោយភាពជោគជ័យរបស់អ្នកនាង ទេព បូព្រឹក្ស គឺបទ “Top of The Lady” ដែលលោកជាអ្នកផ្ដល់គំនិត (Concept) និងការច្នៃប្រឌិត (Creative) ផ្សេងៗ ហើយលោកក៏បានបង្កើតការប្រគំតន្ដ្រីផ្ទាល់ខ្លួនជាលើកដំបូងកាលពីពេលថ្មីៗនេះផងដែរ។

លោក ម៉ាន វណ្ណដា ហៅ Vannda ដែលជាតារារ៉េបជំនាន់ក្រោយ ប៉ុន្តែទទួលបានការគាំទ្រគ្រប់ស្រទាប់វណ្ណៈមិនថាក្នុងប្រទេស ឬក្រៅប្រទេសជាពិសេសទៀតនោះ គឺប្រទេសថៃ។ វណ្ណដា បានចាប់ផ្ដើលចូលវិស័យសិល្បៈនៅឆ្នាំ ២០១៦ ជាមួយនឹងបទ “ជាអ្នកណា” ដែលធ្វើឲ្យផ្ទុះការចាប់អារម្មណ៍ពីសមត្ថភាពច្រៀង និងការរ៉េប។ បន្ទប់មកតារ៉េបវ័យ ២៥ ឆ្នាំរូបនេះ បានធ្វើឲ្យផ្ទុះកក្រើកស្រទាប់យុវវ័យជាថ្មីម្ដងទៀត គឺបទ J+O ហើយនិងមានបទជាច្រើនទៀតដែលទទួលបានការគាំទ្រពីសំណាក់ហ្វេនៗក្រោយចូលផលិតកម្មបារមី ជាពិសេសនោះវណ្ណដា បាននាំប្រទេសកម្ពុជាឲ្យបរទេសកាន់តែស្គាល់ច្បាស់ តាមរយៈបទ “Time To Rise” ដែលមានអ្នកចូលទស្សនារហូតដល់ ១០០លានដង។ អ្វីដែលកាន់តែរំភើបទៀតនោះ វណ្ណដា ក៏បានពាំនាំចាប៉ីដងវែងព្រមជាមួយព្រឹត្តិចារ្យ គង់ ណៃ រំលេចនៅក្នុងបទចម្រៀង។ បើទោះជានៅក្មេងខ្ចីបន្ដិចនៅក្នុងវិស័យសិល្បៈតែវណ្ណដា បានធ្វើឲ្យប្រទេសថៃគោរព និងកោតសរសើរពីសមត្ថភាពរបស់ខ្លួនតាមរយៈទេពកោសល្យជាច្រើន៕

_______________________

ប្រភពឯកសារ៖កម្ពុជាថ្មី

អត្ថបទ៖ ផានិត

ភ្នំពេញ ៖ បច្ចុប្បន្នវណ្ណដា កំពុងសាងប្រជាប្រិយភាពខ្លាំង ជាមួយស្នាដៃចម្រៀងរបស់លោកដោយទទួលបានការគាំទ្រខ្លាំងពីហ្វេនៗនៅកម្ពុជាផ្ទាល់ ហើយក៏ជាមោទនភាពសម្រាប់អ្នកគាំទ្រផងដែរចំពោះវត្តមានរបស់លោកបានឡើងសម្ដែង នៅក្នុងកម្មវិធីធំលំដាប់អន្តរជាតិ ASEAN MUSICSHOWCASE FESTIVAL 2021 កាលពីពេលថ្មីៗនេះ។

វណ្ណដា

ក្នុងនាមជាអ្នកគាំទ្រតាមដាន Idolរូបនេះមកយូរហើយ តោះមកដឹងពីប្រវត្តិរូបខ្លះៗរបស់ វណ្ណដា ដែលហ្វេនៗស្រាវជ្រាវមកបានអាចនឹងមានអ្នកគាំទ្រខ្លះពុំធ្លាប់បានដឹងពីមុន ដូចខាងក្រោម ៖

១.ប្រវត្តិខ្លះៗរបស់ វណ្ណដា

- ឈ្មោះកំណើត : ម៉ាន់ វណ្ណដា (Vannda Mann)

- ថ្ងៃខែឆ្នាំកំណើត: ថ្ងៃទី២២ ខែ មករា ឆ្នាំ ១៩៩៧

- កន្លែងកំណើត: ខេត្តព្រះសីហនុ ប្រទេសកម្ពុជា

- អាជីព: អ្នកចម្រៀង,Rapper,Producer, Song Writer

- ប្រភេទចម្រៀង: Rap,Hip Hop

វណ្ណដា

២. ដំណើរសិល្បៈរបស់ វណ្ណដា

- ចូលសិល្បៈ ឆ្នាំ ២០១៤

- ឆ្នាំដែលមានសកម្មភាពសកម្ម: ២០១៦ មកដល់បច្ចុប្បន្ន

- ឧបករណ៍តន្ត្រី: Guitar,Keyboard, Daw

- វណ្ណដា ចូលកុងត្រាក្រោមទ្រនំផលិតកម្មBaramey - បារមី Production នៅឆ្នាំ២០១៩ មកដល់បច្ចុប្បន្ន

- វណ្ណដា ទទួលបានពាន BestMale Artist Of The Year 2020 ក្នុងកម្មវិធី CambodianMusic Awards

- លោក ទទួលបានពាន BestMusic Performance Of The Year ក្នុងកម្មវិធី CambodianMusic Awards

- សព្វថ្ងៃ វណ្ណដា គឺជា BrandAmbassador របស់ Cellcard

វណ្ណដា

- លោក គឺជាតារា OriginalArtist មួយរូបដ៏មានប្រជាប្រិយភាពនៅក្នុងប្រទេសកម្ពុជា ដែលគេស្គាល់លោកខ្លាំងតាមរយៈការUpload បទចម្រៀងរបស់គាត់នៅលើបណ្ដាញសង្គម YouTube នាឆ្នាំ ២០១៦ ដែលបទនេះមានចំណងជើងថា «គេជាអ្នកណា» ហើយកាលនោះទទួលបានការចាប់អារម្មណ៍យ៉ាងខ្លាំងពីសំណាក់យុវវ័យ។

- ឆាណែល YouTube ផ្លូវការរបស់វណ្ណដា មានចំនួន Subscribe លើសពី ២.៥៧ លាន

- ចំនួន View សរុបនៅក្នុង Channel YouTube របស់លោក បច្ចប្បន្នមានចំនួនលើសពី៤៧៦ លាន View

- ចំនួន Follow សរុបក្នុងហ្វេសប៊ុកផេកមានលើសពី ១.៤ លាន

- ចំនួនអ្នក Followនៅលើ Instagram មានលើលពី ៤៤០ ពាន់នាក់

វណ្ណដា

៣. សកម្មភាពនានា ៖

- ក្នុងរយៈពេលបួនឆ្នាំ (២០១៦-២០២០)វណ្ណដា បានធ្វើការលើអាល់ប៊ុមដំបូងរបស់លោក ដែលមានឈ្មោះថា SKULLTHEALBUM ដែលពិពណ៌នាអំពីវដ្តជីវិតនៃការកើតចាស់ ឈឺ និងស្លាប់ ដូចដែលលោកបានពិពណ៌នានៅក្នុងការបង្ហាញសម្លេងរបស់លោករួមបញ្ចូលក្នុង SKULLTHEALBUM ហើយសម្រាប់បទចម្រៀងភាគច្រើនរបស់លោកគឺសំដៅលើការខិតខំប្រឹងប្រែងមហិច្ឆតា និងការបំផុសគំនិត ដោយលោកបានបញ្ចូល ញើស ឈាម និងបេះដូងទាំងអស់ទៅក្នុងអាល់ប៊ុមនោះហើយជាមូលហេតុដែលធ្វើឲ្យលោកមានប្រជាប្រិយភាព។

វណ្ណដា

- ស្ថាបនិក និងជានាយកាប្រតិបត្តិរបស់លោកគឺឡូរ៉ាម៉ម (Laura Mam) ធ្លាប់បានលើកឡើងថា វណ្ណដា ពិតជាពេញចិត្តនឹងការផ្តល់ជូនសហគមន៍និងប្រទេសជាតិរបស់លោកវិញហើយលោក គឺជាអ្នកគាំទ្រយ៉ាងសកម្មនូវកម្មវិធីសប្បុរសធម៌ និងគំនិតផ្តួចផ្តើមជាច្រើនរួមទាំងការប្រើអាល់ប៊ុមថ្មីការខិតខំរកទីផ្សារដើម្បីរៃអង្គាសប្រាក់សម្រាប់អ្នកដែលត្រូវការជំនួយ។

- អង្គការសប្បុរសធម៌ $KULL របស់វណ្ណដាបានលក់អាវយឺតដែលមានកំណត់រាប់រយសន្លឹកតាមអ៊ីនធើណែតដើម្បីរៃអង្គាសថវិកាសម្រាប់គ្រួសារដែលមានហានិភ័យនៅខេត្តព្រះវិហារ។ហើយអាវយឺតត្រូវបានលក់អស់ក្នុងរយៈពេលតិចជាង ៤ ម៉ោងដែលបង្ហាញពីការយកចិត្តទុកដាក់របស់អ្នកគាំទ្រយ៉ាងខ្លាំង។

វណ្ណដា

- វណ្ណដា ធ្លាប់បង្ហាញអារម្មណ៍ថានៅពេលដែលត្រូវសហការជាមួយ Brand ដែលត្រូវនឹងបំណងប្រាថ្នារបស់លោក ទាំងជាសិល្បករនិងជាអ្នកតស៊ូរបស់ខ្មែរប្រកបដោយមោទនភាពដើម្បីលើកកម្ពស់ការរស់នៅរបស់ប្រជាជនក្នុងប្រទេស៕

វណ្ណដា

_______________________

ប្រភព ៖ THE VANNDA & TrueID

ពិភពចំណេះដឹង

ហេតុផលធ្វើឲ្យតារា ៣ដួងនេះ ឡើងច្រៀងក្នុងព្រឹត្តិការណ៍ជាតិ រហូតផ្ទុះពេញបណ្ដាញសង្គម

មកដឹងពីប្រវត្តិរូបខ្លះៗរបស់ វណ្ណដា ដែលហ្វេនៗស្រាវជ្រាវមកបាន!