អំពីរខ្ញុំ

អំពីរខ្ញុំ

• ជាដំបូងសូមស្វាគមន៍ចូលមកកាន់គេហទំព័រខ្មែរសម័យថ្មីដ៏តូចមួយនេះ

ប្លក់នេះបង្កើតដែលបង្កើតឡើងសំរាប់រៀនសិក្សាដោយខ្លួនខ្ញុំបាទផ្ទាល់ សំរាប់ធ្វើការក្សាទុកឯកសារបន្តិបន្តួចនៅលើវា នឹងសំរាប់តភ្ជាប់ ទៅកាន់គេហទំព័រនានានៅលើបណ្តាយអ៊ីធើណិត ។ ហើយក្នុងការបង្កើតប្លក់នេះគឺខ្ញុំបាទមានគោលបំណងចង់ជួយធ្វើការអបរំផ្សព្វផ្សាយបង្កើនការយល់ដឹង និងធ្វើការចែករំលែក នូវចំនេះដឺងក៏ដូចជាអ្វីៗមួយចំនួនដែលខ្ញុំបានរៀន​ និងតាមរយៈការស្រាវជ្រាវ ឬតាមរយៈការសិក្សាជាដើមដើម្បីធ្វើការចែកជូនដល់ បងប្អូនដែលនិយមគាំទ្រជាប្លក់​ ពិភពចំណេះដឹង។ ហើយម្យ៉ាងវិញទៀតគេហទំព័រមួយនេះមានភាពងាយស្រួលក្នុងការ ប្រើប្រាស់ និងមានប្រសិទ្ធិភាព ដើម្បីផ្តល់ឪកាសដល់សិស្សនិសិត្ស ក៏ដូចជាប្រិយមិត្តទូទៅអាចធ្វើការស្វែងរក​នូវឯកសារមួយចំនួនពីក្នុងគេហទំព័រមួយនេះបានផងដែរ ឬអ្វីផ្សេងៗទៅតាមតម្រូវការរៀងៗខ្លួន ។ 

• ​ ព័ត៌មានទាក់ទងជាមួយរូបខ្ញុំបាទផ្ទាល់ និងជីវិតដ៏ពិតរបស់ខ្ញុំ

       ខ្ញុំបាទឈ្មោះ ខៀវ សំបូរ (KHIEV SAMBO )មានស្រុកកំណើតនៅភូមិ ឬស្សីជួរ ឃុំ ស្ដេចគង់ខាងត្បួង ស្រុក បន្ទាយមាស ខេត្ត កំពត​​ កើតថ្ងៃទី ០២ ខែ កក្កដា ឆ្នាំ១៩៩៥ ក្នុងត្រគោលគ្រួសារជីវភាពមធ្យមមួយនៅតំបន់ដាចស្រយាលមួយប្រមាណជាង៨០គីឡូម៉ែតពីទីរួមខេត្តកំពត។
ខ្ញុំបាទមានបងប្អូនសុទ្ធតែប្រុសចំនួន៣នាក់ខ្ញុំជាកូនទី០២ ហើយពួកយើងជាកូនអ្នកស្រែចំការ ដោយកម្មអកុសលអំឡុងឆ្នាំ ២០០៧  បងប្រុសរបស់ខ្ញុំក៏បានលាចាកលោកនេះទៅ ។ចាប់តាំងពីពេលនោះមកកិច្ចការផ្ទះនៅក្នុងគ្រួសារមួយចំនួនក៏ត្រូវបានធ្លាក់មកលើខ្ញុំ។

• សេចក្តីលំបាកក្នុងការធ្វើដំណើរទៅសិក្សា

ជាការពិតណាស់ដោយសារតែ សាលារៀននៅឆ្ងាយពីលំនៅដ្ឋានគឺមានការលំបាកក្នុងការធ្វើដំណើរទៅសិក្សារៀនសូត្រ ព្រោះថាត្រូវធ្វើ​ដំណើរ​ដោយថ្មើរជើង និងត្រូវឆ្លងទឹកព្រែកទៀតផង ប៉ុន្ដែខ្ញុំនៅតែខំប្រឹងតស៊ូទៅរៀននៅសាលាដូចក្មេងដ៏ទៃដែរ ។

• ថ្នាក់បឋមសិក្សា

ពេលខ្ញុំមានអាយុ៧ឆ្នាំ(២០០២-២០០៣)ម្តាយរបស់ខ្ញុំគាត់បានបញ្ជូនខ្ញុំអោយទៅរៀន នៅសាលារៀន " ដើមស្នាយ "តែដោយសារខ្ញុំជាក្មេងកំហូច ខ្ញុំតែងតែមិនចូលថ្នាក់  ដែលខ្ញុំបានរៀនឡើយព្រោះខ្លាចគ្រូរបស់ខ្ញុំ ហើយមានពេលខ្លះទៅមិនដល់សាលាក៏មានដែរ  និងខ្ចិលឆ្លងទឹកព្រែក គឺខ្ញុំតែងតែត្រលប់មកផ្ទះវិញ ហើយប្រាប់ម្ដាយឪពុកខ្ញុំថា គ្រូគាត់មិន រៀនទេថ្ងៃនេះ ប៉ុន្ដែពួកគាត់ក៏ដឹងថានិយាយកុហក់គាត់ដែរ ថែមទាំងស្ដីថាខ្ញុំក្មេងខ្ចិលរៀនស្រូត គាត់ក៏នាំទៅសាលារៀងរាល់ពេលសិក្សា ព្រោះខ្លាចខ្ញុំគេចសាលទៀត។
ជាអកុសលទឺកជំននន់បានជន់ទឺកលិចផ្លូវ បណ្ដាយឲ្យខ្ញុំមិនអាចទៅរៀននៅសាលាកើត ក៏បានផ្លាស់ប្ដូរពីរសាលារៀន" ដើមស្នាយ "
ទៅរៀននៅសាលារៀនបឋបមសិក្សា" ទទូលស្រមរ " វិញ (២០០៣-២០០៤) និងបានបន្តទៅសិក្សានៅសាលារៀន" អនុវិទ្យល័យសង្គ្រោះជាតិ "ខ្ញុំបានរៀនបន្ត រហូតដល់បញ្ចាប់ថ្នាក់បឋមភូមិនៅក្នុងឆ្នាំ ២០០៩។ 

• ជីវិតក្រោយបញ្ចប់ថ្នាក់បឋមភូមិ

ខ្ញុំជាអតីតសិស្សនៃសាលាវិទ្យាល័យ ហ៊ុន សែន អង្គរសុរភី ក្នុងឆ្នាំ២០១៣ ។​ ក្រោយមកដោយសារតែ​ស្រលាញ់ និងមានចិត្តជ្រះថ្លាចំពោះព្រះពុទ្ធសាសនា ក៏បានសូមពុកម៉ែ ទៅបួសជាសាមណេរ ក្នុងវត្ត ពោធិ៍ធំភ្នំល្ងៀង  ដែលជាវត្ក ក្នុង ស្រុករបស់ខ្លួន ក្រោយពីបានបួសជាសាមណេរគង់នៅក្នុងវត្តបានមួយរយៈ ក៏បានសុំលាលោកគ្រូអធិការ ចេញទៅបន្តសិក្សានៅវត្តដែល មាន​សាលារៀន ហើយបានបន្ដសិក្សារហូត និងបានបញ្ចប់ថ្នាក់ទុតិយភូមិឆ្នាំ ២០០១៧​ ។

• ក្រោយបញ្ចប់ថ្នាក់ទី១២

សព្វថ្ងៃខ្ញុំជាអតីតសិស្សនិសិត្សម្នាក់ដែលបានសិក្សានៅសាលាកលវិទ្យល័យ ន័រតុន ( Norton​u Universiry ) ផ្នែកព័ត៌មានវិទ្យា ( IT )

ជាសិស្សជំនាន់ទី២២ (២០១៧-២០១៨) ។ បញ្ជាក់ខ្ញុំបានបញ្ចប់ថ្នាក់បរិញ្ញាបត្រនៅក្នុងឆ្នាំ២០២១៕

• សេចក្តីថ្លែងអំណរគុណចំពោះប្រិយមិត្ត

ជាចុងក្រោយខ្ញុំសូមអរគុណចំពោះប្រិយមិត្តទាំងអស់ដែលបានគាំទ្រនៅប្លក់ ពិភពចំណេះដឹង មួយនេះ​ហើយក៏សូមមេត្តខ័ណ្ខទ័យអភ័យទោសរាល់អក្ខរាវិរុទ្ធទាំងឡាយណា ខុស ឬលើសខ្វះត្រង់ចំនុចណាមួយនោះដោយក្តីមេត្តាអនុគ្រោះ ។ ព្រោះទាំងនេះគ្រាន់តែជាការសម្តែង នៅឆន្ទៈ ទស្សនៈ មតិយោបល់ ការអត្ថាធិប្បាយ បទពិព៍ណនាខ្លីៗ ជាចំហក្នុងន័យស្ថាបនា ដើម្បីរួមចំនែកក្នុងសង្គមអោយបានសកម្ម ។

គួរបញ្ចក់ផងដែលថាការបង្កើតប្លុកនេះគឺគ្រាន់តែជាការបង្កើនដើម្បីធ្វើការសិក្សាតែប៉ុណ្ណោះមិនបានធ្វើជាអជីវកម្មនោះទេ 

សូមអរគុណ....!

KHIEV SAMBO